bibliochivite

O libro que comezaremos a ler no club de lectura A árbore vermella despois do Nadal é A miña planta de laranxa lima, obra de José Mauro de Vasconcelos publicada en 1968. Trátase dunha fermosa novela de denuncia social, na que o protagonista principal é un cativiño de cinco anos, Zezé, maltratado pola súa propia familia, fillo do paro e da mestizaxe colonial (portugués + india pinagé) listo como a fame, que vive nun barrio marxinal de Río de Xaneiro. Zezé vive nunha favela de Bangú, nun mundo de carencias ao carón da opulencia, sabe o que non ten e non renuncia ao que desexa: quere ser sabio e poeta para saír da miseria. Desafortunadamente, 40 anos máis tarde a miseria segue a ser dramática para moitos nenos do Brasil.

Mais non queremos amosar somentes a faciana escura deste fermosísimo país. Para unha visión máis luminosa do Brasil, é interesante este artículo publicado no blog de David Rguez. Rivada sobre unha das máis importantes pintoras brasileiras, Tarsila do Amaral. Ademais, facendo click aquí poderedes ver un video sobre os atractivos deste país sudamericano.

Nun artigo anterior tiñades unha presentación de onetruemedia con fotos dos paneis da biblio- Aquí tedes unha presentación con diapositivas e un enlace ao álbum de fotos.

A próxima sesión do Club de lectura do noso instituto está dedicada á figura de Jose Luis Sampedro, e - xunto a La sonrisa etrusca - veremos La vieja sirena.

Cliqueando aquí accederás a unha reseña do libro, resumindo os seus aspectos literarios máis interesantes referentes ó amor e ó erotismo.

Cliqueando aquí accederás a unha selección de varias escenas, algunhas das cales están analizadas polo miúdo

Cliqueando aquí accederás a un traballo monográfico sobre "El erotismo en La vieja sirena al servicio de lo prohibido", no blog de David (profe de música).

Se cliqueas aquí accederás ó outro artigo sobre Jose Luis Sampedro que fixemos no noso Club de lectura.

Este é o proxecto ( a extensión máxima era de tres páxinas) presentado polo club de lectura do IES Xesús Taboada Chivite á convocatoria de axudas deste ano por parte da Consellería de Educación da Xunta de Galicia.

Fai click aquí para acceder a este artigo.

Unha das vindeiras sesións do club de lectura estará adicada á escoita de cancións. Haberá cancións de Fuxan os Ventos, como Muller, que tedes arriba e Cantiga de berce (facede click aquí para ler a letra) ou Irmaus (aquí tedes a letra). Tamén escoitaremos heavy, unha peza de entre as moitas que lle gustan a un dos alumnos que asisten ao club. Ademais, a nosa compañeira Antonia, gran amante da música, compartirá connosco algunha das súas cancións favoritas

Nos paneis exterior e interior da biblioteca imos facendo, coa axuda de Víctor e os seus alumnos, murais sobre as actividades que estamos a realizar no club de lectura. Estes murais van cambiando coas novas actividades que facemos pero sempre queda unha reminiscencia do xa traballado.

Nunha vindeira sesión do club de lectura escoitaremos distintos tipos de música, entre elas, heavy metal por recomendación de Mario Sergio, de 4º ESO D. Clickeade aquí para acceder a un artigo feito por David.

La Fundación, de Buero Vallejo, será o libro do que falaremos coas lectoras de 2º de Bacharelato que asisten ao club de lectura o xoves 12 de novembro. Aquí accederedes a un artigo sobre esta obra teatral

Nunha próxima sesión do club de lectura falaremos dese marabilloso escritor e ser humano que é José Luis Sampedro. Podedes acceder á súa páxina oficial, que inclúe datos sobre a súa vida e obra, entrevistas con él.... Ademais, se clickeades aquí veredes un video no que aparece este economista e escritor e facendo click aquí veredes unha entrevista que se lle fixo no telexornal da noite da segunda cadea de TVE. Tamén leremos algúns fragmentos de La vieja sirena e  outros de La sonrisa etrusca.  (Facendo click aquí accederedes a unha selección de fragmentos de La sonrisa ertusca). Arriba, nun artigo feito por David Rguez. Rivada, podedes ler máis sobre La vieja sirena. Ademais, David escolleu algúns fragmentos desa obra e comentounos para que os leamos na sesión vindeira do club de lectura.

Na vindeira sesión do club de lectura leremos algunhas das cartas que Don Ramón Otero Pedrayo escribiu á súa nai. Estas cartas foron recopiladas en dous volumes, cunha estupenda edición, pola nosa compañeira Mónica Pazos Martínez e por Patricia Arias Chachero. Trátase dunha correspondencia íntima, afectuosa, na que descubrimos, grazas ó arduo traballo das dúas estudosas, realizado cando foron becarias da Fundación Otero Pedrayo, unha faciana descoñecida do grande autor ourensán. Agradecémoslle a Mónica Pazos este marabilloso traballo e que nos teña seleccionado catro cartas para que as leamos no club de lectura. Aquí as tedes: Carta1 - Carta 2 - Carta 3 e Carta 4.

Na vindeira sesión do club de lectura visitaremos o blog do noso compañeiro David. É profesor de música no noso instituto mais a música non é o único tema presente no seu blog. Licenciado en Filoloxía Hispánica ademais de Diplomado en Violonchelo, é un gran amante da literatura e no seu blog ofrécenos textos escritos por el mesmo e enlaces a fragmentos de obras literarias que lle chamaron a atención. Coas nosas rapazas do club de lectura visitaremos este artigo, titulado "Hazte a ti mism@", con imaxes moi atractivas e texto escrito por David, este outro, onde nos recomenda a novela La Amaba, da francesa Anna Gavalda e transcribe un fragmento que lle gustou, e, por último, este, no que nos invita a descubrir El Guardián en el centeno, de Salinger e Sputmik, mi amor de Murakami.

Tamén temos pensado escoitar música, en concreto o rap David contra Goliat de ZPU, do CD Contradicziones. Aquí tedes a letra e arriba o video de David contra Goliat.

Seguindo no club de lectura A Árbore Vermella coa nosa idea de mesturar texto escrito, imaxe e son, na sesión do vindeiro xoves 29 de Outubro temos pensado levar a cabo as seguintes actividades:

Leremos poemas de Carlos Negro, algúns deles do seu libro Makinaria (facer click aquí para ler outro comentario sobre esa obra) e outros de  Cultivos Transxénicos, poemas que cremos que serán moi atractivos e interesantes para os nosos rapaces. Tamén leremos un artigo escrito por este mesmo autor

Veremos a Mafalda en varios sketches(aquí o primeiro, click aquí para o segundo, aquí o terceiro e aquí o cuarto) e gozaremos coa súa visión humorísticamente crítica do mundo.

Escoitaremos a canción La Vida, de Silvio Rodríguez. Antes de escoitala leremos ese fermoso poema que é a letra desta canción. 

Facendo click aquí accederedes aos artigos sobre o club de lectura publicados ata o 23 de Outubro do ano 2009. Tedes tamén un enlace aos artigos anteriores na portada deste mesmo blog. De agora en adiante toda a información sobre o club de lectura irá aparecendo en artigos publicados neste  blog da Biblioteca do IES Xesús Taboada Chivite,