Blogia
bibliochivite

Contos no club de lectura: "La noche estrellada", "Historia da resurrección do papagaio" e "Chocolata"

"E se as historias para os nenos fosen lectura obrigatoria para os adultos?", di Saramago en A flor máis grande do mundo, que tamén lemos e vimos no club.

No club de lectura leremos contos para nenos de todas as idades que queren aprender:

La noche estrellada, de Jimmy Liao (fai tamén click aquí e aquí). A obra de Liao fala de amizade, de morriña da infancia, das perdas que ocasiona o crecemento, da aprendizaxe da soidade. Retrata o invisible do ser humano, iso que denominamos ’mundo interior’. O libro comeza con esta dedicatoria:"Dedicado ós nenos que non logran sintonizar co mundo."  O título en inglés desta obra é "Starry,starry night", que son as palabras coas que comeza a canción Vincent (fai tamén click aquí), de Don McLean, unha preciosa homenaxe a Vincent Van Gogh, homenaxe que tamén lle fai Jimmy Liao a través das súas imaxes. 

Historia da resurrección do papagaio, de Eduardo Galeano e Antonio Santos (fai click aquí), é un conto baseado nunha lenda do Brasil, un conto mítico sobre a capacidade creativa do home (ou quizais dalgúns homes) a partir das emocións.

Chocolata, de Marisa Núñez e Helga Bansch. Neste relato as autoras fálannos das ilusións, os desexos, a amizade e a importancia da experiencia e de valorar o que temos ó redor.

 

 

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

1 comentario

Gracia Santorum López -

Pregunta: Sería posible un préstamo interbibliotecario despois da vosa lectura de "La noche estrellada"?
Grazas
¿Y esta publicidad? Puedes eliminarla si quieres