bibliochivite

Os amores clandestinos, imposibles, difíciles... serán os protagonistas a vindeira semana no club de lectura A árbore vermella.

A nosa compañeira Antonia, que non pode acompañarnos ultimamente, vai estar connosco dunha maneira "diferente", contándonos unha historia que descubriu hai pouco e lle resultou fascinante, a da Muller Esquelete, unha lenda inuit que aparece no libro Mujeres que corren con los lobos, de Clarissa Pinkola Estés. 

Escoitade a Antonia....

Logo leremos Alas y olas, de Pablo Albo,ilustrado por Pablo Auladell e editado por Barbara Fiore, un fermoso libro cunha historia levemente inspirada pola da muller esquelete.

 Remataremos escoitando Clandestinos, de Nach, rap onde de novo os amores difíciles son protagonistas.

Onte continuamos lendo Poemas da cidade oculta no club de lectura A árbore vermella, e ó final da sesión tivemos varias sorpresas: Lara tróuxonos o seu "itinerario", amosounos un moi fermoso cadro feito por ela mesma e falounos do camiño que tivo que percorrer ata ser quen de rematalo, pensou que non podería facelo mais finalmente....

Logo, Marita amosounos como está a progresar o seu "camiño" e Víctor amosounos dous "itinerarios",un deles feito recentemente a partir dunha película que lle gustou moitísimo e outro elaborado hai xa moito tempo no que arquitectura, cidade, literatura... cóllense da man. (Podedes ver imaxes abaixo)

Enriba tedes un vídeo no que escoitades a algúns alumnos lendo Poemas da cidade oculta e tamén a Lara falando do seu cadro.

Ese vídeo e un "avance". Os "itinerarios" de todos os alumnos que os vaian facendo e os dos profes formarán parte dunha presentación que  poderedes ver neste blog.

Moitísimas grazas a Víctor e ós seus alumnos de Deseño Gráfico Dixital de 3º ESO A e B polos fermosos taboleiros que fixestes para que o club de lectura A Árbore Vermella puidese ir anunciando, na entrada do instituto e da biblioteca, as súas actividades.

GRACIÑAS!!!!!!!  :-)

Para que empecedes o ano lendo xa tendes na biblioteca as últimas novidades editoriais acabadas de chegar. Trátase de Rubí (Kristen Gier) e Nunca seré tu héroe (María Menéndez-Ponte)

¡Dádevos prisa que voan!

Alumnos de 1º ESO elaboraron marcapáxinas cos seus libros favoritos e citas que eles mesmos escolleron, procedentes deses libros. Todos os marcapáxinas están expostos na nosa biblioteca (fotos debaixo).

MOITAS GRAZAS POLAS VOSAS RECOMENDACIÓNS!!!!!!!

No club de lectura xa estamos en marcha con Poemas da cidade oculta, o libro de Estevo Creus do que vos falamos en artigos anteriores. Houbo unha longa introdución na que entramos en contacto co autor e a súa obra, limos e reflexionamos sobre os poemas iniciais e os profes, ó final da sesión, falaron do proxecto que lles gustaría levar a cabo con todos os integrantes do club a partir da lectura do poemario. Gustaríanos construir os nosos itinerarios. De feito, amosámoslles ós rapaces e rapazas dous que temos en proceso de elaboración. Agora, a seguir lendo, pensando e creando, que seguro que ideas fascinantes, que se convertirán en realidades abraiantes, sairán das cabezas dos nosos alumnos.

Enriba tedes as fotos de Alejandra, Miguel, Marta e Mercedes co seu agasallo, xa que participaron no concurso Adiviña quen é e acertaron o nome da personaxe descoñecida: Vandana Shiva.

Queremos felicitalos a todos eles e animarvos a seguir participando en vindeiras edicións do noso concurso conxunto co IES Ribeira do Louro de Porriño.

Rematou a primeira edición do concurso Adiviña quen é neste curso 2011-2012.

A figura oculta era, como algúns de vós descubristres, a de Vandana Shiva.

Doutora en Ciencias Físicas (1978), é unha das ecoloxistas, feministas e filósofas da ciencia máis prestixiosas a escala internacional que loitan activamente contra o modelo neoliberal de globalización e a favor dos dereitos dos pobos.

AQUÍ podedes accedes a artigos seus.

AQUÍ vídeos subtitulados.

AQUÍ   e AQUÍ entrevistas con Vandana Shiva.

Parabéns a Miguel e Alejandra Franco, de 3º ESO do IES Xesús Taboada Chivite, e a Mercedes Castro e Marta Cid, de 2º ESO do mesmo instituto.

O gañador do IES Ribeira do Louro foi Modesto Iglesias Salgueiro. As nosas felicitacións para ti tamén!!!!!!

Chega o Nadal e a Biblioteca recíbeo como se merece: ¡cunha preciosa árbore!

Ademáis nestas datas celébrase o concurso de postais de Nadal que organiza o equipo de Dinamización Lingüística e o Departamento de Plástica, así que xa temos expostas as postais e podedes pasar a velas.

Dende a biblio desexámosvos ¡feliz Nadal e felices lecturas!

¡Xa chegaron á biblioteca as primeiras recomendacións dos alumnos!

Moitas grazas Cristina pola túa colaboración.

O  10 de decembro de 1948 a Asamblea Xeral das Nacións Unidas proclamou a Declaración Universal dos Dereitos Humanos. Pasaron máis de 60 anos e o incumprimento dos seus artigos denúnciase a diario. A liberdade, a xustiza e a paz son dereitos iguais e inalienabeis para todo o mundo, porén seguen a ser unha utopía e non unha realidade.

"Cerca de tus ojos" é un documental que realiza un desolador repaso polo incumprimento dos dereitos humanos dende a firma da Declaración Universal, hai máis de 60 anos.

Ana é unha xornalista nova, que, polo seu traballo, percorreu diferentes lugares do mundo. Dende a súa adolescencia, por influencia do seu pai, a Declaración Universal dos Dereitos Humanos e o seu contido supuxeron un lugar dende o que observa o mundo. Ana pregúntase se os artigos da Declaración se cumpren ou se foron un fracaso.

A partir de aquí, Ana narra a difícil situación que viven persoas de diferentes nacionalidades e razas. A través de imaxes de arquivo fai un percorrido por diferentes países para denunciar a violación diaria destes artigos. Un por un vanse revisando os 30 artigos da Declaración.

Ademais, o documental aborda as posibilidades que brindan as novas tecnoloxías para ter una maior conciencia do que ocorre noutros lugares do mundo e culmina cun final esperanzador, que destaca os avances que se produciron.

Dirixido por Elías Querejeta, conta coa actriz Maribel Verdú como narradora.

Ver o documental, emitido por TVE 2 o 10 de decembro de 2011, AQUÍ.

Nós, cidadáns individuais tamén podemos colaborar para que se respecten os dereitos humanos. A continuación informámosvos dunha iniciativa que parte de Amnistía Internacional: actuar enviando cartas para que presos políticos poidan recuperar a súa liberdade ( unha iniciativa similar logrou a liberdade de varias persoas o ano pasado). Trátase dos presos do centro penitenciario de Yodok en Corea del Norte, da activista siria da “primavera árabe” Hanadi Zahlout, e do obxector de conciencia turco Halil Savda.

FACEDE CLICK AQUÍ

Como vedes, podedes enviar as cartas nas que pedides a liberación dos presos que están no cárcere por exercer a súa liberdade de expresión a: 

R/ Fernando VI, Nº8 - 1º Izda, 28004 Madrid, a nome de Carlos Sanguino.

ANTES DO 19 de Decembro!!!!!!!!!!!!!

O MODELO DE CARTA ESTÁ NO ANEXO 2 Ó QUE ACCEDEDES PREMENDO AQUÍ

Dende A árbore vermella desexámosvos un Nadal moi, moi ledo e que descansedes moito para retomar con renovadas forzas o noso club de lectura á volta destas festas.... Que temos moito que compartir!!!!!! Coma sempre, AGARDÁMOSVOS!!!

Como vos diciamos nun artigo publicado neste blog (premede aquí ), este ano o poeta galego cuxa obra visitaremos no club de lectura é Estevo Creus. "Traballaremos"  Poemas da cidade oculta e O libro dos cans.

Estevo Creus ven de publicar un novo poemario, balea2, resultado dunha colaboración co poeta e contacontos Celso Fernández Sanmartín, que nos visitou o ano pasado, e con quen tanto gozamos alumnos e profes (premede aquí ).

Di Estevo Creus:

"Este libro existe gracias a meu ben querido amigo e poeta Celso Fernández Sanmartín, que xuntando a nenos de a cinco e a vellos de a 100 nunha residencia de anciáns, tiveron a ben escribirme e mandarme debuxos de baleas.
...
Con eses debuxos e esas experiencias tentei escribir un libro que fora para todos: poemas de adultos para nenos e poemas de nenos para adultos coa intención de que a lectura fora conxunta, as explicacións e entendementos recíprocos, e de que as risas, se as houber, foran compartidas.
...
Do que si estou certo, é de que todos estes textos nunca estarán á altura do acontecido eses días, e de que, etesa eu onde estea, e pasen os anos que pasen, eu sempre vivirei alí, con eles:habitando entre cetáceos."

Por certo, a compañía Traspediante levou ó Culturgal, a feira da cultura galega, a súa obra baleadas, unha peza escénica pedagóxica, que mistura o teatro e a danza. Ao atractivo destas dúas disciplinas, a peza engade a animación audiovisual xenerada en directo. A obra, dirixida ao público infantil, está inspirada no poemario balea2 de Estevo Creus e supón un xogo permanente entre as baleas, as cores e o público (vídeo enriba).

Fai click aquí para ir ó índice deste blog e ver os títulos dos posts publicados dende 2009.

Limos poemas, cantamos e escoitamos unha canción, reflexionamos sobre o contido deses textos.... falamos de non ser poseídos e de non posuír as persoas, de ser seres completos, de dar e ter un afecto san, de liberdade, de patróns preestablecidos que aínda están gravados con lume nas nosas mentes... fixemos laciños morados e puxémolos...sacamos fotos coa tea solidaria... 

Enriba tedes dúas presentacións que amosan o traballo feito por Víctor, de Plástica, e os seus alumnos para recordarnos o Día Internacional da Eliminación da Violencia cara as Mulleres e tamén as actividades que o Dpto de Plástica (tea solidaria) e o Club de Lectura (sesión do día 24 dedicada a coser a tea, elaborar e repartir laciños morados e ler poemas) están a promover.

Nesta novela poderemos ser partícipes dos derradeiros momentos da vida dun dos máis grandes compositores de tódolos tempos: Vivaldi.

Xunto a el, percorreremos as rúas dunha Venecia máxica, habitada por seres humanos e por seres sobrenaturais, asistiremos á mestura de culturas e ós abusos do Santo Oficio.

Poderemos escoitar o son dos violíns Stradivarius aínda recén construidos, presenciaremos ensaios de óperas pendentes de estrearse, e veremos como as paixóns humanas pouco ou nada teñen que facer ó coitaren contra un mundo maquinalmente concibido, cheo de cadeas e limitacións.

A ansia de liberdade unirá a tres xóvenes rapaces nun triángulo amoroso furtivo.

Déixate engaiolar pola beleza veneciana.

Esta trepidante historia, llena de elementos propios de la novela policíaca (persecuciones, asesinatos…), de la novela histórica (un trasfondo histórico real que sirve de base sólida a la hora de construir la ficción) y de la novela romántica (historias de amor interrumpidas por el paso del tiempo…), te mantendrá enganchado durante todos sus capítulos.

En ella asistiremos a una investigación musicológica entorno a la figura de Mozart, pero ese será tan sólo el principio: en cuanto avanzamos un par de capítulos, ya hay mucho más en juego.

El lector quedará atrapado en la densa red de intereses que rodea a los protagonistas, y casi sin darnos cuenta nos convertirá en testigos tácitos (a un tiempo) de los más espectaculares logros humanos y de los horrores más inhumanos.

¿Te atreverás a leerla?