Club de lectura a árbore vermella

Nach Scratch no club de lectura

Este xoves, día 3 de febreiro, no Club de lectura A árbore vermella, o profesor de música David falaranos do cantante de hip hop Nach Scratch (web oficial) e do seu traballo Un día en suburbia (2008).

En primeiro lugar, comentaranos as principais características do hip hop:

a) na música que se escoita: (DJ)

* o "break" como ritmo base (é a célula principal do estilo, e nela o percusionista cambia o ritmo cun redoble ou cun solo);

* o "DJ" (Disc Jockey), que é a figura que selecciona os breaks e os sons; os sons gravados tamén serven para facer referencias (películas, cancións, épocas, lugares do mundo...);

* o "scratch", que é un efecto do vinilo producido cando se move ritmicamente o disco contra a agulla;

* as estruturas máis utilizadas son o REMIX (utilización de fragmentos de diferentes estilos nunha soa canción) e a SAMPLEDELIA (consiste en cortar e pegar fragmentos doutras cancións, polo que tamén se lle chama "cut´n´paste");

b) na letra que se le e escoita: (MC)

* os "rapeos": a través de longos textos contan historias complexas, normalmente ambientadas nun entorno urbano moi duro;

* o "MC" (Master of Ceremonies), que é quen escribe / improvisa as rimas sobre eses breaks;

c) na música que se baila: (B-BOYS)

* o BREAKDANCE é un tipo de baile no que os B-BOYS fan todo tipo de posturas seguindo o ritmo do break. Os principais pasos ou figuras son: LOOKING (axitar bruscamente todo o corpo), BREAKING (xirar sobre o chan), BODY POPPING (simular os movementos dun robot) e o MOON WALK (desprazarse hacia atrás coma se estivera camiñando de frente);

d) nos graffiti: como a principal forma de expresión gráfica do HIP HOP.

En segundo lugar, veremos cinco temas do disco (xa no seu blog persoal comentou brevemente todos os temas do CD, pero hoxe escoitaremos e analizaremos cinco deles):

Mil vidas, Quiz Show, Ángel, Sr Libro y Sr Calle y Héroes.

Ademais, veremos fragmentos doutros temas para ver algúns dos recursos que fan realmente grande a este cantante (Efectos vocales, Nada ni nadie e Vive mientras puedas).

Esperámosvos: será unha sesión chea de flow, enerxía e letra, moita letra.

Para aqueles que non poidades vir, os materiais que manexaremos nesta sesión están neste enlace.

Homenaxe de Carlos Negro a "Memorias dun neno labrego" no seu 50 aniversario

"Eu son Balbino. Un rapaz de aldea. Coma quen dis, un ninguén. E ademais, pobre".

Memorias dun neno labrego  cumpre 50 anos e Carlos Negro (fai click aquí) escribe na revista Terra e Tempo un precioso artigo (fai click AQUÍ) no aniversario da publicación da imprescindible obra de Neira Vilas (páxina da Fundación Neira Vilas).

Moitos dos rapaces que asisten ó club de lectura leron ou van ler Memorias dun neno labrego. Con eles compartiremos o artigo de Carlos Negro e falaremos da obra de Xosé Neira Vilas.

CONCURSO ADIVIÑA QUEN É - FUCSIA, TALLADAS...

Na sesión de hoxe do club de lectura Iria e Lucía, gañadoras da segunda edición do concurso ADIVIÑA QUEN É, recibiron o seu agasallo (primeira e última presentacións de diapositivas que tedes enriba).

Falamos na sesión da autora viguesa Mª Xosé Queizán e os rapaces e rapazas tiveron nas súas mans algunhas das obras da escritora galega (grazas, Mónica, por ternos deixado todos estes poemarios, obras teatrais e novelas).Tedes fotografías na segunda presentación de diapositivas.

Por outra banda, seguimos co libro de poemas de Celso Fdez.Sanmartín Fucsia, talladas, estampados, boca. Algunha alumna xa nos trouxo a súa obra (pediamos "romper"a barreira entre natureza e moda, e na terceira serie de fotos tedes a Marta coa preciosa camiseta que fixo).

Na cuarta presentación tedes un traballo feito por Víctor, profesor de plástica, a partir dun dos poemas de Celso Fdez. Sanmartín.

Por último, seguimos gravando os rapaces lendo Fucsia, talladas, estampados boca. Len simultaneamente as dúas franxas do libro. Facede click aquí e aquí.

30 DE XANEIRO - DÍA DA PAZ

O 30 de Xaneiro celébrase o Día da Paz  (aquí imaxes de Gandhi e aquí frases célebres atribuidas a el ou sobre el) e , para conmemorar esta data, queremos invitar os alumnos que asisten ó club de lectura A Árbore Vermella en particular, e a todo o alumnado do IES Taboada Chivite en xeral, a participar na seguinte actividade:

Enriba do artigo tedes varias imaxes que reflicten situacións relacionadas coa guerra e a violencia e se facedes click aquí podedes acceder a máis fotografías. Teríades que escoller unha e escribir un texto que conte a historia detrás dela ou un poema.... Todos os vosos escritos serán publicados no blog da biblioteca. Teríades que darllos ás coordinadoras do club de lectura ou envialos ó enderezo electrónico [e-mail] (co voso nome, o nome do instituto e o voso curso e grupo) ata o día 28 de Xaneiro.

 Facede click aquí para acceder á sección "en conflicto" da páxina web http://periodismohumano.com.

Facede click aquí para ver acurtametraxe de Fernando León de Aranoa Buenas noches Ouma, incluida dentro do proxecto Invisibles, producido por Javier Bardem (produciu cinco curtametraxes para un proxecto de sensibilización sobre os conflitos e enfermidades olvidadas da ONG Médicos sin Fronteras).

Ós pequenos protagonistas da historia se lles coñece como os night commuters. Todos comparten o mesmo desexo: fuxir dos militares que os secuestran para convertilos en nenos-soldado.

Moitísimas grazas ós compañeiros do IES Ribeira do Louro (grazas, Virginia) pola vosa suxestión.  

FUCSIA, TALLADAS, ESTAMPADOS, BOCA

Hoxe foi o primeiro día do Club de Lectura A Árbore Vermella adicado á obra de Celso Fdez. Sanmartín  Fucsia, Talladas, Estampados, Boca... e resultou verdadeiramente fascinante.Experimentamos distintos xeitos de recitar (por exemplo un "runrún" continuo para a franxa inferior, adicada á moda, que acompaña como "soniquete" de fondo á poesía da parte superior, que fala da natureza, das maceiras e cerdeiras de antes, das hortas... e que se intenta recitar con intensidade. Fai click aquí e aquí.) e ademais fixemos unha primeira aproximación ó noso proxecto de romper a distancia que separa as dúas franxas...moda con follas, con nubes...con menos baleiro e máis "verdade".

CONCURSO "ADIVIÑA QUEN É" - Mª XOSÉ QUEIZÁN

Rematou unha nova edición do concurso Adiviña quen é e a figura misteriosa era a da escritora galega Mª Xosé Queizán. Se facedes click aquí, aquí e aquí atoparedes información sobre ela.

Parabéns ás gañadoras do IES Taboada Chivite, Lucía de Sousa Fernández, de 1º ESO A, e Iria Prieto Domínguez, de 1º ESO D e do IES Ribeira do Louro, Nerea Fernández Diz.

Parabéns tamén a todos os que participastes.

BO NADAL!!!!!!!!!!

Desde o Club de lectura A Árbore Vermella desexámosvos un Nadal cheo de música, risa, baile, ledicia, imaxes fermosas, árbores, agarimo, cor....e libros, moitos libros, libros a esgalla.

VISITA DE MÓNICA PAZOS MARTÍNEZ

Grazas, Mónica, pola túa xenerosidade, por todo o que compartiches onte connosco, por todo o que sempre compartes connosco. 

"A Árbore Vermella": xuntanza con ex-alumnos e profesores

Recentemente algúns ex-alumnos e profesores que formamos parte do club de lectura A Árbore Vermella quedamos para falar das nosas vidas, do club, das nosas lecturas, das nosas pelis (todos quedamos en que veríamos Origen (fai click aquí) e falamos sobre ela)... Para compartir. Foi unha tarde memorable. Grazas Javi, Claudia, Lara, Mª Xesús, Mario... Bicos vermellos.

"Hª da resurrección do papagaio"

Enriba tedes un dos contos que, como vos diciamos nun artigo anterior, imos ler este ano no club de lectura. Trátase de Historia da Resurrección do Papagaio, de Eduardo Galeano.

LER, COSER E ESCOITAR MÚSICA

Enriba tedes unha presentación de diapositivas feita coas fotos tomadas durante a sesión dedicada a coser e ler (e escoitar pezas musicais, sobre todo de música clásica, Lago dos cisnes, Canon de Pachelbel, Romeo e Xulieta de Prokofiev...) da que falabamos no artigo inmediatamente anterior a este.

LER E COSER

O noso compañeiro Víctor, do Dpto. de Plástica, invítanos todos os anos en torno ó 25 de Novembro, día internacional de loita contra a violencia de xénero, a alumnos e profesores do centro a coser todos xuntos. Imos xuntando retais e facendo unha tea que une a rapaces e rapazas, homes e mulleres nuha tarefa común que pon de manifesto a nosa igualdade. A tea foi crecendo ano tras ano, facéndose enorme.

Na vindeira sesión do club de lectura imos colaborar con esta marabillosa idea de Víctor cosendo todos xuntos e lendo historias de mulleres, as historias que tedes na presentación que aparece enriba. Agardamos que os nosos rapaces e rapazas gocen cosendo e escoitando e tamén que entre neles a mensaxe de tolerancia e igualdade que queremos transmitir.

GRAZAS, TERESA

O noso agradecemento de corazón, Teresa, pola sesión de onte no club de lectura A Árbore Vermella, unha das máis especiais que tivemos, e polo artigo que nos dedicas (click tamén aquí).

GRAZAS!!!!!

CADROS SOBRE A ÁRBORE VERMELLA

Moitíííííííííííísimas grazas a Javier, do Dpto. de Plástica e ós seus alumnos, polo fermoso cadro que nos regalastes, inspirado na Árbore Vermella. Tedes fotos na presentación de diapositivas que aparece enriba.

Grazas de corazón, tamén, a Irene, de 3º ESO, cuxo cadro, baseado nunha das páxinas do libro A Árbore Vermella, de Shaun Tan, leva connosco dende o ano pasado. Aquí tedes fotos da obra de Irene.

MÚSICA NO CLUB DE LECTURA

Despois do éxito do curso pasado, repetimos este ano a experiencia de dedicar unha sesión do club á escoita das nosas pezas favoritas. Esta é a nosa selección:

Teresa Losada escolleu Cigarettes (aquí está a letra), dunha novísima compositora chamada Russian Red (desta mesma cantante recomendounos They don’t believe e a versión que fai de Girls just want to have fun de Cindy Lauper). Tamén lle encanta Moriría por vos ( aquí está a letra), de Amaral e, dentro do eido da música clásica, o Canon de Pachelbel (Pachelbel), a Aria de Bach (Bach) e o Lago dos cisnes de Tchaikovski (fai click aquí). Gústanlle tamén a Teresa bandas sonoras. Encántalle o Vals de Amelie e Os Chicos do Coro.

A Isabel gustaríalle escoitar Desafinado (aquí a letra), de Antonio Carlos Jobim e Newton Mendoça. Non é moi entendida, pero gústalle a Bossa Nova.

David suxírenos a Balada nº 3 de Chopin (clickeade aquí para acceder a unha análise desta peza que fixo David) (David ten un artigo dedicado a Chopin no seu blog). Tamén nos recomenda pezas de Nach Scratch como Ángel (letra aquí) e Sr Libro y Sr Calle (letra aquí)

Irene, de 3º ESO, suxírenos Kiss the rain, de Yiruma.

Entre as suxestións de Antonia está Romeo e Xulieta, de Prokofiev.

Lucía, de 1º ESO, recoméndanos Tú y sólo tú de XRIZ.

A Juan, de 1º ESO, gústanlle Sólo para ti, de Camila e Quisiera poder olvidarme de ti, de Luis Fonsi.

Sofía, tamén de 1º ESO, suxire Mi historia de amor, de Blaze.

A suxestión de Javier Fontenla é Naturaleza Muerta, de Mecano.

Mario Sergio suxire Arise, de Flyleaf e For Those Who Wait, de Fireflight.

 

MOITííííííííííííííSIMAS GRAZAS, DAVID, por todo o teu traballo e polo magníficamente que transmites a túa sabedoría.

Nova edición de ADIVIÑA QUEN É (Proxecto Ribeira do Louro - Taboada Chivite)

Atréveste a participar nunha nova edición  do concurso ADIVIÑA QUEN É  (click aquí para ver o resultado da primeira) e descubrir a identidade desta figura misteriosa?

Fai click aquí.

Se acertas a identidade do personaxe participarás no sorteo dun agasallo.  

Envía unha mensaxe co teu nome e apelidos, o teu curso e grupo, o nome do teu instituto (Ribeira do Louro ou Taboada Chivite)(o nome do instituto debe aparecer en asunto) e, por suposto, o nome da figura misteriosa, ó seguinte enderezo:

[e-mail]

O agasallo sortearase entre as respostas correctas recibidas entre o 29 de Novembro e o 10 de Xaneiro.

CONCURSO ADIVIÑA QUEN É (Proxecto Ribeira do Louro -Taboada Chivite)

Rematou o prazo para participar en "Quen é?", o concurso organizado polos institutos Ribeira do Louro e Xesús Taboada Chivite. A figura oculta era a de Saramago, e as gañadoras foron....

No IES Xesús Taboada Chivite  María Pérez Lage e Iria Prieto Domínguez, de 1º ESO D.

No IES Ribeira do Louro Ana Díaz Freiría, Beatriz Domínguez González e Liliana Mariño Silva de 1º de Bacharelato.

PARABÉNS!!!!!!!!!!!!!!!!!!!!!!!!!!

MOITAS GRAZAS A TODOS OS QUE PARTICIPASTES E A SEGUIR FACÉNDOO NA PRÓXIMA EDICIÓN, QUE SERÁ MOI PRONTO!!!!!!!!!!!!!!!!

CANDO A HISTORIA É A NOSA

Que a Historia é ás veces infranqueable é indubidábel. Mais se quen cha conta é César, o libro transfórmase en algo vivo e recoñecíbel. E se ademais che permite ir da súa man polos corredores do tempo, podes ver incluso os teus bisavós, os bisavós dos teus bisavós e recoñerte.

 

Videoconferencia de Agustín Fernández Paz

Onte os alumnos que asisten ó club de lectura tiveron a oportunidade de asistir a unha videoconferencia na Casa da Cultura de Verín. Agustín Fdez.Paz, o autor de Valados, unha das obras que leremos este curso no club e á que xa lle adicamos unha sesión de presentación, falounos desta historia, dos muros visibles e invisibles que enchen as nosas vidas. Os rapaces tiveron a oportunidade de facerlle moitas preguntas ó autor, que respostou coa sensibilidade, proximidade, afabilidade... que o caracterizan. Enriba tedes fotografías tomadas antes e durante a videoconferencia.

A ÁRBORE VERMELLA

Enriba tedes a obra que da nome ó noso club.

A Árbore Vermella é, probablemente, unha das obras ilustradas máis fermosas que coñecemos. O seu autor, Shaun Tan, é un australiano duns trinta e poucos anos que comezou facendo ilustracións de ciencia ficción. É Barbara Fiore Editora quen nos trae esta xoia e tamén outras do mesmo autor, como Emigrantes ou A Cousa Perdida.
(Podes ver  aquí a curtametraxe de animación The Lost Thing e se fas click aquí accederás ó trailer).

A Árbore Vermella cóntanos, brevísimamente, un día na vida dunha rapaza que, ó espertar, sinte que peso do desánimo éncheo todo e que ninguén a comprende, pero...

Iso é o importante deste libro de Shaun Tan, que hai un pero e un despois para eses momentos de desánimo. A beleza das ilustracións conmove e impacta. O texto, apenas unha liña por ilustración, é dunha sinxeleza e un candor que nos fai sentir o mesmo que esa nena, ser esa nena. Utilízase un formato de letra similar ó das antigas máquinas de escribir. Abrir cada páxina do libro é transportarnos a un mundo máxico onde a cor gris no é somentes gris e a gama de vermellos énchenos de esperanza e consolo.

Este libro amósanos o comezo e o transcurso dun día triste, como os que tantas veces temos, e nos invita a esperar polo miragre alí onde só cremos que hai frustración.